close
我比別人晒命,我應當認命嗎?
1.別人身家非常有錢,喜歡在你面前晒命,暗示你一世冇錢,一世註定做乞兒仔.2.別人成日搵快錢,人工多過你,而你打份冇咁多錢人工,都不及他多,見面比有骨而又令我...3.別人知道自己失業/就快失業就睇小你,而他晒命話自己在金融海嘯中很好彩過我很多倍.4.別人幸運找到另一半,而且快將結婚,自己因為人工少未有經濟能力,至今仍然未...聽到都唔開心,做人有乜野意思!
其實,我覺得人地同你講野時係可能有你講既成份,但亦相對向你自身上,你係充滿自卑感的,因為咁,就算人地無咁既意思,你都會聽到有意思/有骨,正所謂,講者無心,聽者有意!最梗要係,呢個世界一樣米養百樣人,口臭既人多的是,若你咁就被人打倒,咁就太失敗啦!我好明你既心情,因為我日日返工,就隔離位個同事巳日日咁對我講野!少d信心,都比佢"晒死!!"仲要比較都不特止,仲要踩你/想控制你思想添呀!正所謂禍不及家人,佢仲連我家人都踩埋!!咁又點!車!佢有佢生活,我有我生活!千萬唔可以自卑!可能你會覺得我好阿q精神,但係命水既野,真係生成架!咁咪認命羅,既然你認左命,就唔會執著,心情放鬆左,反過黎可能令你做起野上黎起勁d,運都好d,你同自己講,佢地同你都唔同level,佢地呢d係好愚昧既人,思想只有向物質上,咁...係咪開心d呢?p.s.你有時間,搵一次好好向鏡前望下自己,你可能不知不覺間因你既思想而影響心情,亦因此,面口可能不自覺的"拿"埋/皺眉/"dup頭dup腦樣等,有d心地唔好既人,見到你咁實想欺負下你啦!感情啦喎~~有邊個唔想開心架,比你都唔會楝個思想好負面,成日唔開心既人掛?係咪?希望你唔好介意!我只係好想以過來人身份同你傾下,如有冒犯,請勿見怪!記住!正能量(正面思想)係會令你改變命運!!真係有一本佛學書講架!Source(s):自己
以上文章來自奇摩知識家，如有侵犯請留言告知
https://answers.yahoo.com/question/index;_ylt=AwrtXG6Sr_RbrHUALBbXrYlQ;_ylu=X3oDMTBvbmNxZGQ2BGNvbG8DBHBvcwM4BHZ0aWQDBHNlYwNzcg--?qid=20090508000051KK00879